دورى مستقبل وطن الحدث الاكبر فى مصر

تعالول نتكلم عن الحدث الأكبر رياضياً فى كل انحاء المحروسة دورى مستقبل وطن .

ماهو دورى مستقبل وطن ؟
هو دورى ينظم  كل عام بسواعد أبناء حزب مستقبل وطن لتعزيز دور الرياضة فى المجتمع المصرى ، والإهتمام بالأجيال القادمة لمستقبل الكرة المصرية ، ومساعدة الموهوبين كروياً فى تغير حياتهم للأفضل ،
مسابقة لكرة القدم للشباب من الفئة العمرية ١٥ سنة حتى ٣٠ سنة
يقوم على ٣ مراحل :
١/المرحلة الأولى ؛ مرحلة المراكز
٢/المرحلة الثانية ؛ مرحلة المحافظة
٣/المرحلة الثالثة ؛ مرحلة الجمهورية .

كيفية التقديم للإشتراك فى الدورى ؟
عن طريق :
١/المقرات الرسمية للحزب سواء فى المراكز والأقسام أو المحافظات ؛ ودى هيتم إعلانها على الصفحة الرسمية للحزب 👇
https://www.facebook.com/MWATAN.E/

٢/ عن طريق إرسال بيانات الفريق على الإيميل الخاص بالدورى 👇
Watenleague@gmail.com

3/ التواصل مع صفحة الدورى وإرسال البيانات لها 👇

https://www.facebook.com/MWATAN.EG/

4/ التسجيل عن طريق الإستمارة اللإلكترونية 👇
https://goo.gl/forms/ai5B28e8AYATsTjL2

طيب أيه المصاريف للإشتراك فى الدورى ؟
مفيش أى فلوس بتتدفع عشان تشترك انت وفريقك ✌

طب فين مكان الماتشات اللى هلعبها انا وفريقى فى الدورى ؟
زى ما اتكلمنا فى بداية كلامنا ان فى ٣ مراحل للدورى ؛ بداية بالمراكز والأقسام انتهاء بالجمهورية ،
فكل منطقة ومركز وقسم هيحددوا أماكن لعب المباريات
يعنى انت هتبدأ التصفيات فى المركز او القسم التابع ليه (فى منطقتك والحى بتاعك )

طيب أيه الشروط عشان اشارك انا وفريقى فى الدورى ؟

فى إستمارة إشتراك للدورى هتملاه انت وفريقك ودى هتكون موجودة فى مقر الحزب فى منطقتك ، طب لو معرفتش توصله هتتواصل مع الصفحة بتاعت زى ماقولنا فوق .
طيب أى حد بيشارك من سن ١٥ ل٣٠ !
أه طالما بيعرف يلعب كورة ومعاه فريق
كل فريق بيشارك فى التصفيات المؤهلة للحصول على الدورى حسب المنطقة اللى مشارك بها .
الأوراق المطلوبة :
١/صورة البطاقة الشخصية ، أو صورة شهادة الميلاد لمن هم عمرهم ١٥ عام .
٢/ ٣صور شخصية ٤*٦

طيب عدد الفريق قد ايه عشان ابقى عارف ؟
عدد الفريق 8 أعضاء + مدير للفريق + مدير فنى

طيب ايه المدير الفنى دا ومدير الفريق !
مدير الفريق ؛
دا شخص المسؤل التنظيمى للفريق مواعيد مبارياتهم الإجتماعات مع اللجنة المنظمة للدورى وإبلاغها للفريق ، قراءة اللايحة المنظمة للدورى ومعرفة الأحكام والشروط .

المدير الفنى ؛
دا شخص فاهم فى الخطط الفنية لكرة القدم ، عشان يساعد الفريق فى مشواره فى الدورى .

طيب سؤال هو المدير الفنى ومدير الفريق اجبهم منين وحد هيمتحنهم فى الخبرة اللى عندهم ؟
دا فريقك انت ، يعنى اللى هيستفاد منهم انت واللى هيتضر منهم حضرتك بردو ، فأختيارك للفريق بعناية هيحدد مستقبلك فى الدورى قد ايه .

طب هنلعب إزاى والشروط والأحكام وهنبدأ أمتى ؟
كل الأسئلة هتعرفها أول لما تسجل فريقك وتخلص الأوراق المطلوبة لبيانتهم .

أه فى حاجة مهمة جدا 👌👌👌
عند الإنتهاء من مرحلة المراكز والبدء فى مرحلة المحافظة هيكون فى كشافين للأندية لإختيار الموهوبين رياضياً فى كرة القدم وإشراكهم بأنديتهم
بإختصار ؛ انت ممكن تكون لاعب عندك موهبة داخل تشارك فى الدورى بعد انتهاء الدورى تكون لاعب فى أحد الأندية فى الدورى الممتاز

المهندس / عادل النجار امين عام حزب مستقبل وطن بمركز دسوق

دورى مستقبل وطن الحدث الاكبر فى مصر

طيب الجوايز عبارة عن ايه  .
الجايزة الأولى
١٠٠.٠٠٠ ألف جنيه مصرى
المركز الثانى
٦٠.٠٠٠ ألف جنيه مصرى
المركز الثالث
٤٠.٠٠٠ ألف جنيه مصرى

# دورى مستقبل وطن
# الحدث_المنتظر
# الحلم_أقترب
# حزب مستقبل وطن
# قادة_المستقبل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *